الـجـمـيـلـة .. للشاعر مبارك البخيّت السبيعي

كل ما جيت أزرع الطيـب وأسـوّي جميــــــل .. الجميلـة تالـي الوقـت قـلّــــوا ناسـهــــا

الجــميلـة ما بـقى من عربهـــــا ألا القــليــــل .. مـا بــقى ألا عالمٍ كاثرٍ وســـــواسـهـــــــا

والجميلـة ما تناسـب مـع النـذل البخيـــــــــل .. لـو بغاهـا ما عـرف ذيلهـا مــــن راسهـــا

راح جيل المعرفـة وابتـدأ جيـل ٍ المُديــــــــل .. وأبتلشـت بعالـم ٍ مـا عرفـت أجناسهـــا

تختلف الأجيال ويسيـر جيـل ٍ بعـد جيــــــــــل .. والأوادم يختـلـف فعلـهـا وأقواسـهـــــا

لو بغيت أتعـدل النـاس شـي ٍ مستحيـــــــل .. فرقـهـا بفعالـهـا ما يـجـي بلبـاسـهـــــــــا

لا تحـط ضعيّـف النفـس بالطـــــرقـة زميــــــل .. دور اللـي لا تكـبـر خطـرهـا داسـهـــــــــا

والضعيّـف جنبـه ما معـــــه حيلـــه وحيــــل .. رافق اللـي قـد سبـح بالبحـور وقاسهـا

أشهد إن ضعيّف النفـس ما يصلـح عميـــــل .. والضعافة عنـد نـاس ٍضعيـف إحساسهـا

ما أبغي النفس الضعيفة ولا الرجـل الذليـل .. كـل مـا جينـا نسـوّي جميلـة حاسهـــــا

أفتخـر فــــــــي عاقــل ٍ لا يعـيــل ولا يـمـيـ.ل .. خطتـه لا مـن رسمهـا عـرف مقياسـهـــا

يحتمل طـول المسافـات والخـــــط الطويـل .. لا تعكّـر جـو نفسـك يزيـل عماسـهـــــــــا

الحكـيم اللـي علـى المعرفـة رأيـــــــه دليـل .. مـن رجـال ٍ بالمعرفـة قــوي ٍ باسـهـــــــا

أشهد أن الظلم .. والخوف .. والحال الهزيـل .. حاجة ٍتثّـر علـى النفـس فـي مجلاسهـا

وأشهد إن الصبـر زيـن ٍ ولــــــه وزن ٍ ثقيــــل .. مزبّـن ٍ للنفـس لا مـن كثـر هوجاسـهــــا

ليت بعض النـاس حـرف ٍ نزيلـــه بالمزيـــــل .. من حروف ٍ تنمسح لا أنمسح قرطاسها

ما تصيـر الحنظلـة مثـــل شكـل الزنجبيــــل .. لو تغـيـّر شكلـهـا ما تغـيـّر ساسـهـــــــا